– Ўйин ҳақида...
– Қийин ўйин бўлди, аввал биз гол урдик. Аммо бардош беролмадик, тўп ўтказиб юбордик. Иккинчи таймни негадир қийин бошладик, нимадир ўхшамади, лекин бу футбол. "Пахтакор"нинг иккита тенг кучли таркиби бор. Бизга бироз қийин. Ўз мухлисларимизни хурсанд қилишга ҳаракат қилдик.
— Хоразмнинг Суперлигадаги ғалабасиз серияси 5 ўйинга етди. Наҳотки, икки ярим ой ичида камчиликларни бартараф этишга имкон бўлмади?
— Нега тузатиб бўлмас экан? Камчиликларни тузатишга улгурдик, лекин ҳаммасини эмас. Барча хатоларни тузатганимизда, чемпионлик учун курашаётган бўлардик. Ҳозирча кичик қадамлар билан олдинга силжияпмиз. Рақибларимизга эътибор беринг. "Андижон" яхши таркиб билан, "Сўғдиёна" яхши таркиб билан, кейин "Пахтакор". Умуман, ҳеч қандай ёмон нарса кўрмаяпман.
— Биринчи таймда, 30-дақиқага яқин, бир воқеа бўлиб ўтди. Жуда яхши тушунарли, эшитиларли эди, қулоқ солишнинг ҳожати йўқ эди: чизиқ ёнида мурожаат қилиб, мураббийлар штаби томонга қараб, ўйинчига бир нима дедингиз... Савол бермоқчи эдим: гап қайси футболчи ҳақида кетаётган эди ва бундай ҳис-ҳаяжонга нима сабаб бўлди?
— Хўш, майли, булар менинг ҳис-ҳаяжонларим бўлақолсин, бу менинг эмоцияларим, бу клубимизнинг ички иши. Қайси ўйинчи экани — бу ҳақда гапирмайман. Нимага? Бу шунчаки мураббийнинг ҳис-ҳаяжони. Агар эмоцияларни доим ичингда сақласангиз, унда қаттиқ касал бўлиб қолиш мумкин. Шунинг учун биз эмоцияларни ҳам ташқарига чиқаришга ҳаракат қиламиз. Майдон томонга эмас, ҳеч кимни ҳақорат қилмайдиган ва хафа қилмайдиган томонга, шундай дейиш мумкин.
— Янис Лери захирадан майдонга туширилиб, 25 дақиқадан сўнг яна алмаштирилди. Унинг ўйинидан кўнглингиз тўлмадими?
— Ҳа, шундай бўлди, унинг ўйинидан кўнглимиз тўлмади, шунинг учун уни алмаштирдик.
— Янги қоидалар ҳақида фикрингиз қандай? Масалан, бугун сизнинг ўйинчингиз Абдуҳамидов вақт чўзди. Кейин айнан Лери деган ўйинчи қарийб икки дақиқа кутди.
— Мен ўз ўйинчим билан гаплашдим, тушунтирдим: биринчи навбатда жамоа ҳақида ўйлаш керак, ўзининг шахсий амбициялари ҳақида эмас. Чунки, унинг айтишича, "Пахтакор" ўйинчиси уни сўкаётган экан, ёмон гаплар айтган, билмадим. Шунинг учун у шундай реакция қилди. Хўш, бу устида иш олиб борамиз, тушунтирамиз. Менимча, ҳакамлар ҳам бунга эътибор беришлари керак эди, чунки, билишимча, майдонда сўкиниш ҳам мумкин эмас. Провокация ҳам... Ҳакам майдондаги провокацияларни бартараф этиши керак. Бу менинг фикрим.
— Сизнингча, бу яхшими?
— Йўқ, албатта, мен ўйин суръатини оширишни фақат ёқлайман. Янги қоидалар — асосийси, улар бир томонлама ишламасин, ўйинни яхшиласин. Мен фақат ўйин тезлиги ошишини ёқлайман. Менимча, бу ерда ҳаммаси тўғри бўлади. Бу қоидалар бўйича ҳеч қандай салбий эмоция йўқ, фақат ижобий томони бор.
— Июль бошида клуб раҳбарияти танқидий йиғилиш ўтказган экан. Бу ҳақда батафсилроқ айтиб берсангиз: қандай вазифалар қўйилди, қандай топшириқлар берилди?
— Биласизми, мен бу йиғилишда бўлмаганман, сизга ҳеч нарса айта олмайман. Бу маълумот сизга қаердан етиб келди? Бизда клуб раҳбари бор, у йиғилишда иштирок этган, ундан сўранг. Мен унинг ўрнига гапира олмайман, чунки мен у ерда бўлмаганман. Агар у ерда бўлганимда, айтиб берардим, лекин иштирок этмаганман, шунинг учун бу борада ҳеч нарса дея олмайман.
