"Sport News Africa" маълумотига кўра, жамоа футболчилари ҳалигача 2025 йилги Африка Кубогидаги иштироки учун бонусларни олишмаган, гарчи турнир учун мукофот пуллари, шунингдек, Жаҳон чемпионатига чиққани учун тўланадиган маблағлар келиб тушган бўлса-да.
Бундан ташқари, жамоанинг бир нечта ўйинчиси хусусий равишда яшаш жойи ва меҳмонхона шароитларидан норозилигини билдирган.
Шунингдек, ҳамроҳлик қилувчи ходимлар учун бюджет қисқартирилган. Африка Кубогида футболчилар билан ишлаган жамоа ошпази Жаҳон чемпионатига олиб келинмаган. Меҳмонхонадаги овқатланиш даражаси ўртача ва талабга жавоб бермайди деб топилган, шу сабабли баъзи ўйинчилар мунтазам равишда ташқаридан овқатга буюртма беришмоқда.
Устига-устак, терма жамоа бош мураббийи Пап Тиав беш ой давомида маош олмаган. Бундан ташқари, унинг аввалги шартномаси муддати тугаган.
Ҳозирда мутахассис ЖЧ да шартномасиз ишламоқда. Сенегал футбол федерацияси мураббий билан янги шартнома имзолашни рад этмоқда.
Сенегал Жаҳон чемпионатидаги биринчи ўйинда Францияга имкониятни бой берди (1:3). Жамоа 23 июнь куни тунда Норвегияга қарши майдонга тушади.
