

Футболчи "Самания" телеканалидаги "Ал-Минса" дастурига берган интервьюсида Жанубий Корея устидан қозонилган ғалаба (3:2) жамоага қўшимча ишонч бағишлаганини таъкидлади.
"Жанубий Корея устидан қозонилган ғалабадан кейин руҳиятимиз кўтаринки. Ўзбекистонни ҳам мағлуб этишни мақсад қилганмиз", – деди Абу аш-Шамат.
Шунингдек, футболчи Саудия Арабистони терма жамоасининг 2026 йилги Жаҳон чемпионатидан кейинги фаолияти ҳақида ҳам гапирди.
"Биз ўзимизга ишонардик. Мухлисларимизнинг қўллаб-қувватлашига ҳам ишончим катта эди. Якунда Форс кўрфази кубогини қўлга киритдик. Олдинда бизни янада яхши кунлар кутмоқда. Саудиялик мухлислар ҳамиша уларни хурсанд қилишимизга муносиб", – деди футболчи.
Эслатиб ўтамиз, Ўзбекистон ва Саудия Арабистони терма жамоалари ўртасидаги ўртоқлик учрашуви 17 ноябрь куни Доҳада бўлиб ўтади. Баҳс Тошкент вақти билан соат 20:30 да бошланади.



