Сантуш мағлубиятга изоҳ берди

“Ўйинни яхши бошладик. Ташкилий жиҳатдан футболчилар бир бирларини ўзаро яхши тушуниб тўп тепиб, ҳужумда омадимизни изладик. Қарши ҳужумдан самарали фойдаланиб, ҳисобни очганимиздан кейин рақиб катта куч билан олдинга ўтишини билардик. Германия термаси кучлироқ эди, аммо биз ўйинни ташлаб қўймадик. Қарши ҳужумда яна гол уриб олишимиз мумкин эди, бироқ якун бироз бошқача бўлди.

Танаффусдан кейин ниманидир ўзгартиришга уриндик, аммо учинчи ва тўртинчи голларни ўтказиб юбордик. Бу жамоани қийин ҳолатга тушириб қўйди. Шунга қарамай ўз ўйинимиз билан рақибга жавоб беришга уриндик. Ҳисобдаги фарқни қисқартирдик, дарвоза устунини нишонга олдик, яна бир-икки вазият бўлди. Немислар эса бизга босим қилишда давом этишди. Бу уларнинг ҳаққоний ғалабаси эди.

Кейинги ўйинга “совуқ” бош билан муносабатда бўлишимиз керак. Французларга қарши беллашув биз учун ниҳоятда муҳим”, дея Сантушнинг сўзларидан иқтибос келтирмоқда УЕФА матбуот хизмати.