Бу ҳақда "Mundo Deportivo" ёзмоқда.
Хабар қилинишича, ФИФА вакиллари стадионга ташриф буюрган. У ер ярим финал, ҳатто финални ўтказиш жойи сифатида ҳам кўриб чиқилмоқда.
Бироқ журналист Рамон Фуэнтес таъкидлаганидек, бу биринчи ташриф давомида ҳеч қандай қарор қабул қилинмайди.
Аввалроқ "Барселона" 2030 йилги Жаҳон чемпионати финалини "Камп Ноу"да ўтказишни хоҳлаётгани ва бу ҳуқуқ учун асосий фаворит саналадиган "Реал"нинг "Сантьяго Бернабеу" стадиони билан курашиши маълум бўлганди.
"Камп Ноу" бир неча йил давом этган реконструкциядан сўнг яқинда қайта очилди.
2030 йилги Жаҳон чемпионати Испания, Португалия ва Марокашда бўлиб ўтади, мундиалнинг дастлабки ўйинлари эса биринчи ЖЧнинг 100 йиллиги муносабати билан Уругвай ва Аргентинада ўтказилади.
