"Мен бу йигитлар билан бирга ўйнаш имкониятидан жуда бахтиёрман. Биз ҳар доим мисрлик мухлисларга хурсандчилик улашишни истаймиз ва шундай руҳ билан исталган ўйинда ғалаба қозониш мумкинлигига ишонамиз. Бу жуда қийин ўйин бўлди. Олдинги сафар ивуарийлар Африка Кубогини ўз уйида ютиб олганди. Бугун ҳам улар чемпионлардек ўйнади. Бироқ биз барча кучимизни бердик
Кейинги босқичга чиққанимиздан жуда хурсандман. Мен ҳар доим жамоам учун боримни бериб ўйнайман. Катта мақсадларга эришишимиз учун тажрибам ишга солишга ҳаракат қиламан. Ҳамиша шерикларимга шундай дейман: майдонга чиқинг ва биринчи дақиқаданоқ бор кучингизни беринг. Бу жуда муҳим — шунда кейин афсусланишга ўрин қолмайди", – деди 33 ёшли футболчи.
Салоҳ Миср – Кот-д'Ивуар ўйинининг энг яхши футболчиси деб топилди. У ғалаба голини урди. Унинг жамоаси Африка Кубоги ярим финалида Сенегал терма жамоасига қарши майдонга тушади.
