Клемент бундан олдинги учта турнир ғолибларини ҳам хатосиз топган эди: 2014 йилда Бразилияда ўз ватани Германия, 2018 йилда Россияда Франция ва тўрт йил аввал Қатарда Аргентина чемпион бўлишини олдиндан айтган.
Клементнинг ўзи дастлаб ғолибни олдиндан прогноз қилиш амалда мумкин эмаслигини исботлашга ҳаракат қилганини тан олади. "Der Spiegel" нашрига берган интервьюсида у 2014 йилда унинг модели биринчи марта иш берганида шок ҳолатига тушганини сўзлаб берди.
"Биринчи марта Бразилияда Германия жаҳон чемпиони бўлганида мен шунчаки даҳшатга тушгандим. Сабаби, барча экспертлар бир овоздан: "Ҳеч қачон Европа жамоаси Жанубий Америкада ўтган жаҳон чемпионатларида ғолиб бўлмаган", деб таъкидлашарди", — дея ўртоқлашди у.
Нидерландия терма жамоаси уч марта жаҳон чемпионати финалига қадар етиб борган, аммо бирор марта ҳам турнирда ғолиб чиқмаган. Рональд Куман қўл остидаги жамоа ЖЧ-2026даги юришини 14 июнь куни Японияга қарши ўйин билан бошлайди. Шунингдек, улар "F" гуруҳида Швеция (20 июнь) ва Тунис (26 июнь) терма жамоалари билан куч синашишади.
