Шунингдек, у жамоа ҳимоячиси Эндрю Робертсоннинг кетиши ҳақида ҳам фикр билдирди.
Салоҳ ва Робертсон АПЛнинг 38-туридан ўрин олган "Брентфорд"га қарши ўйинни (1:1) асосий таркибда бошлашди ва иккинчи бўлим охирида захирага олинишди.
Якуний ҳуштак чалинганидан кейин мухлислар "You'll Never Walk Alone" қўшиғини куйлашаётганда мисрлик футболчи кўз ёшларини тия олмади.
"Менимча, бугун ҳаётимдаги энг кўп йиғлаган куним бўлди. Аслида унчалик таъсирчан йигит эмасман. Лекин бу ерда ёшлигимиз ўтди, бошидан охиригача ҳамма нарсани бирга баҳам кўрдик. Энди Робертсонни ҳамма яхши кўради, у майдонда доим бор кучини бериб ўйнарди. Биз ушбу клубни бўлиши керак бўлган жойига қайтардик.
"Ливерпуль"ни тарк этиш оғир. Робертсон жамоа учун ва биз биргаликда бошдан кечирган давр учун жуда муҳим инсон эди. Бир кийиниш хонасини баҳам кўрганимиздан жуда ҳам бахтиёрман", — дея Салоҳнинг сўзларидан иқтибос келтиради ESPN.
Салоҳ ва Робертсон 2017 йилдан буён "Ливерпуль" таркибида тўп суриб келишаётган эди. Улар клуб билан икки бор мамлакат чемпионлиги, Англия Кубоги ва Суперкубоги, Чемпионлар Лигаси, УЕФА Суперкубоги соҳиби бўлишган ҳамда икки марта Англия лига Кубогида зафар қучишган.
