Роналду: “Юве” ва “Интер” ўртасидаги баҳс “Барса”- “Реал” қарама-қаршилигига ўхшаш. Биз ғалаба қозонишни истаймиз”
29 фев 2020 00:55
Янгиликлар

Роналду: “Юве” ва “Интер” ўртасидаги баҳс “Барса”- “Реал” қарама-қаршилигига ўхшаш. Биз ғалаба қозонишни истаймиз”

“Ювентус” ҳужумчиси Криштиану Роналду А серия 26-турида доирасида “Интер”га қарши кечадиган баҳс олдидан ўз фикрлари билан ўртоқлашди.

Таъкидлаш жоиз, мазкур учрашув коронавирус эпидемияси боис мухлисларсиз ўтказилади.

“Ювентус”-“Интер” тўқнашуви худди “Реал”- “Барса” баҳсига ўхшайди. “Милан” ва “Лацио” жамоаларига қарши ўйинлар ҳам ажойиб ўтганди. Бундай ўйинларда иштирок этиш ёқимли. “Интер” билан ҳам бизни ажойиб беллашув кутиб турибди. Рақиб фантастик жамоа ва тажрибали мураббийга эга. Биз ғалаба қозонишга уриниб кўрамиз.

Мухлисларимизнинг стадионда бўлмаслиги бироз аламли ҳолат, аммо биз ҳар доимгидек жанговар ҳолатда майдонга тушамиз. Биз уйда ўйнаймиз ва керакли натижани қўлга кирита оламиз. Бу каби муҳим беллашувни мухлисларсиз ўтказиш ғалати. Бу ёқимсиз ҳолат, аммо соғлик энг муҳими. Биз бу қарорга ҳурмат билан қарашимиз керак”, дейди португалиялик футболчи.

Ҳавола :

Манба : Sky Sports Italia

Янгиликларни Телеграмда ўқинг!

Рейтинг: +13