Туриндаги "Олимпико Гранде Торино" стадионида кечган ўйинда Джан Пьеро Гасперини шогирдлари 2:0 ҳисобида ғалаба қозонишди. Учрашувни бош ҳакам Фабио Мареска бошқариб борди.
40-дақиқада "Рома" ҳужумчиси Дониэлл Мален ҳисобни очди. 90+3-дақиқада эса римликларнинг ярим ҳимоячиси Никколо Пизилли жамоасининг устунлигини мустаҳкамлаб қўйди.
“Торино” - “Рома” 0:2
Голлар: Мален 40, Пизилли 90+3.
Ушбу ўйиндан сўнг "Рома" тўртта турда 12 очко тўплаган ҳолда А Серия турнир жадвалида биринчи ўринга кўтарилиб олди. "Торино" ҳисобида эса 3 очко бор ва жамоа 14-қаторни эгаллаб турибди.
Кейинги турда Турин клуби 19 сентябрь куни сафарда "Болонья" билан ўйнаса, римликлар худди шу куни ўз майдонида Миланнинг "Интер" клубини қабул қилишади.
