Унда Ўзбекистон футбол ассоциацияси ва Ўзбекистон футзал федерацияси раҳбарияти томонидан "Ўзбекистонда футзални ривожлантиришнинг 2025 — 2028 йилларга мўлжалланган стратегияси" ҳамда мамлакат футзал терма жамоаларининг янги бош мураббийлари таништирилди.
Маълум қилинишича, БМБ клуби билан кетма-кет 3 йил чемпионликни қўлга киритган Нодир Элибоев терма жамоанинг янги бош мураббийи бўлди.
Бу ҳақда Championat.asia сайти 24 январда "Эшитдик-да" рукни остида хабар берганди. Орадан 1 кун ўтиб Элибоевнинг ўзи буни миш-миш деб атаган эди.
Шунингдек, Ўзбекистон аёллар термасида Фарруҳ Зокиров, Ўзбекистон ёшлар терма жамоасида Константин Свиридов, ўсмирлар термасида эса Дилшод Раҳматов бош мураббий лавозимини эгаллади.
