А Сериянинг якунланган мавсуми натижаларига кўра, "россонери" турнир жадвалида 70 очко билан 5-ўринни эгаллади ва Чемпионлар Лигаси йўлланмасидан қуруқ қолди.
Муваффақиятсиз мавсумдан сўнг Италия клуби бош мураббий Аллегри, спорт директори Игли Таре, бош ижрочи директор Джорджио Фурлани ва техник директор Джеффри Монкада ўз лавозимини тарк этганини расман эълон қилди.
Шу тариқа, Аллегри 2025 йилнинг май ойида "Милан"га қайтганидан кейин клубда атиги бир мавсум ишлай олди, холос. Ўша пайтда Игли Таре ҳам клубга спорт директори этиб тайинланган эди.
