Серия Анинг якунланган мавсуми натижаларига кўра, "россонери" турнир жадвалида 70 очко билан 5-ўринни эгаллади ва Чемпионлар Лигаси йўлланмасидан қуруқ қолди.
Calciomercato нашрининг хабар беришича, "Милан" хўжайинларининг маслаҳатчиси Златан Ибрагимович клуб раҳбариятига чемпионатнинг сўнгги туридан ўрин олган "Кальяри"га қарши ўйин (1:2) олдидан ҳам Аллегри билан ҳамкорликни тўхтатишни таклиф қилган эди. Ушбу мағлубиятдан кейин у ўз сўзида қатъий туриб олди ва якунда клуб раҳбарияти бунга розилик билдирди.
Шунингдек, клубни спорт директори Игли Таре ва бош ижрочи директор Жоржио Фурлани ҳам тарк этиши кутилмоқда. Техник директор Жеффри Монкаданинг шартномаси эса узайтирилмайди.
Янги спорт ва бош директорни танлаш жараёнига шахсан Златан Ибрагимович ҳамда "Милан" директорлар кенгаши аъзоси Массимо Кальвелли масъул бўлишади.
