Бу йил мусобақада дунёнинг энг машҳур футбол академияларидан 16 та U-16 жамоаси қатнашади, бу эса илк турнирдагига қараганда икки баравар кўпдир.
Турнир ташкилотчилари қуйидаги 16 клуб иштирокини тасдиқлади:
Аргентина: “Бока Хуниорс”, “Ньюэллс Олд Бойз”, “Ривер Плейт”
Бразилия: “Фламенго”, “Палмейрас”
Эквадор: “Индепендьенте дель Валле”
Испания: “Атлетико Мадрид”, “Барселона”, “УЭ Корнелья”
АҚШ: “Интер Майами”
Англия: “Арсенал”, “Челси”, “Манчестер Сити”
Италия: “Интер Милан”
Нидерландия: “Аякс”
Португалия: “Бенфика”
"Интер Майами" яна турнирга мезбонлик қилади, унинг асосий аренаси "Интер Майами CF" стадиони бўлади. Шунингдек, мусобақа давомида клубнинг "Флорида Блю" машғулот марказидан ҳам фойдаланилади.
Ташкилотчилар ишқибозлар турнирни ўз ҳудудларига қараб Disney+, ESPN+ ва ESPN телеканалларида томоша қилишлари мумкинлигини тасдиқлашди. Ўйинларнинг тўлиқ тақвими ва қўшимча тафсилотлар кейинроқ эълон қилинади.
Таъкидлаш жоизки, дастлабки Месси Кубоги 2025 йилда бўлиб ўтган ва унда саккизта ёшлар жамоаси қатнашган эди. Иккинчи мусобақада эса бу кўрсаткич икки баробар ортиб, 16 та жамоани ташкил этмоқда ҳамда тўққизта мамлакат академияларини бирлаштирмоқда.
