Расман: Бельгия термаси бош мураббийсиз қолди
17 янв 17:42
Янгиликлар

Расман: Бельгия термаси бош мураббийсиз қолди

Доменико Тедеско Бельгия термаси бош мураббийлигидан истеъфога чиқарилди.

"Сўнгги икки йил давомида катта иштиёқ билан фаолият олиб борганингдан миннатдормиз. Келгуси фаолиятингга омад тилаймиз", - деб ёзилади терма расмий X тармоғи баёнотида.

2023 йилнинг 8 февралида Бельгия термаси бошқарувини қўлига олган Тедесконинг шартномаси 2026 йил ёзига қадар давом этиши керак эди. Унинг қўл остида терма 24 ўйинда 12 ғалаба ва 6тадан дуранг ҳамда мағлубият қайд этди.

Олдинроқ унинг ўрнида Руди Гарсия ёки Тьерри Анри иш бошлаши кутилаётгани айтилганди.