Расман: "Барселона" Хави бош мураббийликдан кетишини эълон қилди
24 май 2024 17:35
Янгиликлар

Расман: "Барселона" Хави бош мураббийликдан кетишини эълон қилди

“Барселона” бош мураббийи Хави мавсум якунланганидан кейин жамоани тарк этади, деб хабар бермоқда Каталония клуби матбуот хизмати.

Жума куни "Барселона" президенти Жоан Лапорта ва спорт директори Деку Хави билан учрашув ўтказишди ва унда мураббийга 2024/25 йилги мавсумда фаолиятини давом эттирмаслигини айтишди.

"Барселона" Хавига мураббий ва жамоа сардори сифатидаги мисли кўрилмаган фаолиятини тўлдирадиган мураббий сифатидаги фаолияти учун миннатдорчилик билдиради ва унга келажакда муваффақиятлар тилайди", – дейилади хабарда.

Хави "Барселона" бош мураббийи сифатидаги сўнгги ўйинини шу якшанба куни ўтказади, "кўк-анорранглилар" 26 май куни Ла Лиганинг сўнгги турида "Севилья" меҳмони бўлади. Чемпионатнинг жорий мавсумида клуб кумуш медалларни қўлга киритди.

Ҳавола :

Манба : fcbarcelona.com

Янгиликларни Телеграмда ўқинг!

Рейтинг: +13