“Жамоанинг ўйинидан жуда хурсандман, шахсан ўзим ҳам яхши ҳаракат қилдим, лекин барча шерикларим қилган меҳнат ва ғалабани биринчи ўринга қўяман.
Тўғрисини айтсам, ўнгда, чапда ёки ўтган ўйиндагидек таянч ярим ҳимоячиси позициясида ўйнашга тўғри келса ҳам, ўзимни жуда қулай ҳис қиламан, лекин олдинроқда ҳужумга ўтиш учун кўпроқ эркинликка эгаман ва ўйлайманки, буни жуда яхши уддаладим.
Ташқаридан қандай кўринганини билмайман, лекин биз тўпни назорат қилдик. Кўп нарсаларни яхшилашимиз кераклиги аниқ, аммо менимча, биз яхши ўйин намойиш этдик.
Шиддат мен доим ўзим билан олиб юрадиган хислат, доимо олдинга интилиш шиддатини мураббий мендан ҳар доим талаб қилади, шунингдек, тўп бизда бўлмаган пайтда доимий прессинг қилишни сўрайди. Бу ерда мен шу ишни бажаришим керак, чунки мураббий шуни талаб қилмоқда.
Мен ўз ишимни яхши бажаряпман, асосий таркибда ким ўйнаши ҳақидаги қарорни мураббий қабул қилади, лекин мен Жаҳон чемпионатининг биринчи ўйинида майдонга тушишни хоҳлайман”, – деди Густаво Пуэрта.
