Швейцария 72 йил ичида илк бор жаҳон чемпионати чорак финалига чиқди

8 июл 2026, 09:55

АҚШда бугун ЖЧ-2026нинг 1/8 финал босқичидаги сўнгги учрашув бўлиб ўтди ва унда Швейцария терма жамоаси Колумбияни пенальтилар сериясида 4:3 ҳисобида мағлуб этди (асосий ва қўшимча вақт — 0:0).

Шу тариқа, швейцарияликлар охирги 72 йил ичида илк бор чорак финал йўлланмасини қўлга киритишди.

Улар сўнгги бор бу босқичга 1954 йили — ўз уйларида ўтган мундиалда етиб боришган эди. Швейцария ва Австрия ўртасидаги ўша чорак финал учрашуви жаҳон чемпионатлари тарихидаги энг сермаҳсул ўйин сифатида тарихга кирган.

Ўшанда австрияликлар 7:5 ҳисобида ғалаба қозонишган.