"Мен "Пари Сен-Жермен" президенти эканимдан жуда, жуда бахтиёрман ва буни давом эттиришдан хурсандман", — дейди Аль-Хелаифининг сўзларини келтирган Canal+.
Аввалроқ ОАВда Европа футбол ассоциациялари 2027 йилги сайловда амалдаги раҳбар Жанни Инфантинога рақиб сифатида Аль-Хелаифи ёки Варшаванинг "Легия" клуби эгаси Дариуш Миодовскийни қўллаб-қувватлаш имкониятини кўриб чиқаётгани хабар қилинган эди. Овоз беришда иштирок этиш учун аризалар қабули ноябрь ойигача давом этади. Инфантино 2016 йилдан бери ФИФАни бошқариб келмоқда ва аввалроқ 2027 йилда янги муддатга қайта сайланиш режалари ҳақида маълум қилган эди.
