Превью. "Насаф" - "Бунёдкор"

«Насаф» (Қарши) – «Бунёдкор» (Тошкент)
28 май 2016. Қарши. "Марказий" стадиони. 19:30
Ҳакамлар: И. Танташев (Бухоро), М. Саидқосимов (Тошкент), А. Цапенко (Тошкент вил.), И. Ибрагимов (Нукус)
Назоратчи: А. Попов (Тошкент).
ЎзПФЛ вакили: Ф. Магометов.

“Насаф” ва “Бунёдкор” олий лигада жами 18 бора тўқнаш келишган. Натижалар “Бунёдкор”нинг устунлигини кўрсатмоқда. Шу кунга қадар “Бунёдкор” 8та ўйинда ғалаба қозонган. Етти ўйин дуранг билан якунланган. “Насаф” бугунга қадар “Бунёдкор”ни уч марта мағлубиятга учратган. “Бунёдкор” 24та тўп киритган, “Насаф” эса тошкентликлар дарвозасини 9 бора аниқ нишонга олган. “Қалдирғочлар” ўзаро ўйинларда 31 очко ишлаб олишган бўлса, “аждарлар”нинг ушбу кўрсаткичи 16тага тенг.

“Бунёдкор”нинг ўзаро ўйинларда “Насаф" устидан қозонган энг йирик ғалабаси – 5:0 га тенг. “Насаф”нинг йирик ғалабаси эса – 2:0.

2015 йилда бу жамоалар ўртасидаги иккала учрашувда ҳам ҳисоб очилмаганди – 0:0.
 
Қаршида ўтган сўнгги беш учрашув:  
26.10.2015 «Насаф» - «Бунёдкор» 0:0
19.05.2014 «Насаф» - «Бунёдкор» 2:0
03.11.2013 «Насаф» - «Бунёдкор» 1:0
26.08.2012 «Насаф» - «Бунёдкор» 0:0
13.08.2011 «Насаф» - «Бунёдкор» 0:0

Ўзаро ўйинлар ҳақида факт: Бу жамоалар Қаршида 9 бор куч синашишган. Шундан 2тасида “аждарлар” ғалабага эришишган. “Бунёдкор” сафарда бу жамоани икки марта мағлуб эта олган. Қолган 5 учрашувда ғолибни аниқлашнинг имкони бўлмаган. “Бунёдкор” Қаршидаги охирги 5та ўйинда гол ҳам ура олмаган, ғалаба ҳам қозона олмаган.