Бу ҳақда "Tuttomercatoweb" хабар бермоқда.
Манбанинг берган маълумотларига кўра, Мальдини FIGC-даги эҳтимолий иш бўйича ҳали бир қарорга келмаган. Бундан ташқари, Италия футболи раҳбарияти терма жамоа бош мураббийлигига номзодлар қидирмоқда. Асосий вариантлар сифатида Роберто Манчини ва Антонио Конте кўрилмоқда. Манчини миллий жамоага йилига 2-2,5 млн евро эвазига қайтишга тайёр, бироқ FIGC Конте номзодига кўпроқ мойиллик билдирмоқда. Бу вазиятда эса гап йилига деярли 4 млн евро атрофидаги маблағ ҳақида кетмоқда.
Эслатиб ўтамиз, аввалроқ Италия терма жамоаси 2026 йилги жаҳон чемпионати йўлланмаси учун плей-офф финалида Босния ва Герцеговина жамоасига имкониятни бой берган эди (1:1, пенальтилар бўйича 1:4). Терма жамоа бош мураббийи Женнаро Гаттузо эса истеъфога чиқарилди.
