ЎзПФЛ "Бухоро" - "Андижон" ва "Хоразм" - "Динамо" учрашувлари қаерда бўлишини маълум қилди
04 июн 20:34
Янгиликлар

ЎзПФЛ "Бухоро" - "Андижон" ва "Хоразм" - "Динамо" учрашувлари қаерда бўлишини маълум қилди

ЎзПФЛ матбуот хизмати Суперлиганинг 12-тури доирасидаги икки ўйин ўтказиладиган стадион номларини тасдиқлади.

Унга кўра, "Бухоро" Самарқандда "Андижон"га қарши ўйинни мезбон сифатида ўйнайди. Баҳс 13 июнь куни соат 20:00да старт олади.

"Хоразм" - "Динамо" ўйини эса 15 июнь куни Жиззахда ўтказилади. Бу учрашув бошланиш вақти 20:00га белгиланган.

ЎзПФЛ ушбу вазиятга изох бериб ўтди:
"Хоразм" Суперлигага қайтган жорий мавсумидаги 6 та уй учрашувини бошқа шаҳарларда ўтказишига тўғри келди. Жумладан, клуб икки уй учрашувида рақибларини Тошкентдаги "Дўстлик" стадионида ва яна шунчасини Жиззахдаги "Сўғдиёна" стадионида қабул қилди. ОКМК ҳамда "Бунёдкор" клубларига қарши уй ўйинлари эса рақиби майдонида бўлиб ўтди.
Маълумки, Бухоро шаҳридаги стадионнинг ёритиш тизими билан боғлиқ муаммо ҳозирга қадар ҳал қилинмаган. Бунинг оқибатида "Бухоро" клуби Суперлиганинг жорий мавсумидаги 5 та уй учрашувидан 4 тасини Тошкентдаги "Жар" стадионида ва яна 1 та учрашувни рақиби "Бунёдкор" майдонида ўтказишига тўғри келди".

Ҳавола :

Манба : pfl.uz

Янгиликларни Телеграмда ўқинг!

Рейтинг: +2