Ўйин олдидан журналистлар билан учрашувда Скалони 39 ёшли ҳужумчи ўйинни захира ўриндиғида бошлашини таъкидлади.
"Эртага майдонга тушадиганлар бу ҳуқуққа лойиқдирлар. Улар жамоанинг ва бизнинг умумий жараёнимизнинг бир қисмидир. Эришган ютуқларимизнинг салмоқли қисми айнан мана шу футболчиларнинг хизматидир. Улар асосий таркибга кирмай қолганларида, эртаси куни машғулотга биринчи бўлиб етиб келишади. Имконият бўлиши билан уларга ўйин вақти тақдим этаман. Нафақат улар ўйнамаётганликлари учун, балки бунга лойиқ бўлганликлари учун ҳам. Улар ажойиб футболчилар", — дея Скалонининг сўзларини келтиради "Ole" нашри.
Ҳозирги вақтда Месси бешта гол билан дунё биринчилигининг энг яхши тўпурари бўлиб турибди.
