Ўзбекистон, Корея ва Япония пешқадам, Хитой ва қўшниларимиз ҳали очко олишмади. Бугунги ўйинлар ва гуруҳлардаги ҳолат

"А" гуруҳидан жой олган Ўзбекистон терма жамоаси ўз майдонида БААни қабул қилади, баҳс "Бунёдкор" стадионида 19:00да старт олади. Шу ўринда бугунги ўйинлар рўйхати билан таништириб ўтамиз.

ЖЧ-2026 3-саралаш босқичи

4-тур ўйинлари

15.10.2024

"А" гуруҳи

19:00. Ўзбекистон - БАА

19:00. Қирғиз Республикаси - КХДР

21:00. Эрон - Қатар

"Б" гуруҳи

16:00. Корея Республикаси - Ироқ

21:00. Фаластин - Кувайт

21:00. Иордания - Ўмон

"С" гуруҳи

15:35. Япония - Австралия

17:00. Хитой - Индонезия

23:00. Саудия Арабистони - Баҳрайн

ОФК эълон қилган бу жадвалда ҳар бир тўқнашув ўша ўйин бўлиб ўтадиган мамлакатнинг маҳаллий вақти билан кўрсатилган.

ЖЧ-2026 3-саралаш босқичи 4-туридан олдин гуруҳлардаги ҳолат

"А" гуруҳида Ўзбекистон ва Эрон пешқадам бўлиб туришибди ва иккита тўғридан-тўғри йўлланма учун айнан шу жамоалар асосий давогар. Осиё Кубоги ғолиби Қатар эса бу босқичда омадсиз старт олди. Қўшни Қирғиз Республикаси ҳали очко олмагани ачинарли.

"Б" гуруҳида ҳам бизникидаги каби иккита пешқадам бор: Корея Республикаси ва Ироқ. Қизиғи, бугун айнан шу жамоалар ўзаро тўқнаш келишади ва ким якка пешқадамга айланишини аниқлаб олишади ёки биргаликда жадвални бошқаришда давом этишади. Иордания эса ҳали яна қўша олади, назаримда.

"С" гуруҳида Япониянинг статистикаси даҳшатли. Японлар 3 ўйинда ҳали бирорта гол ўтказиб юборишмади ва 14та гол уришди. Табиийки, учта ғалаба. Кунчиқар юрт футболчилари йўлидан чиққан рақибни ямламай ютмоқда. Саудия Арабистони эса Манчини қўл остида пастга шўнғишда давом этмоқда: 3 ўйинда 4 очко. Бу гуруҳда қатор футболчиларни маҳаллийлаштираётган ва кореялик машҳур мутахассис Шин Таэ Йонг бошқараётган Индонезия кўпчиликка сюрприз бўлиши тайин. Хитой эса ҳали умуман очко олмади.