"Олимпик" мураббийи энди ўсмирлар терма жамоасида ишлайди

Мазкур ёшдаги терма жамоани Сергей Чигодаев бўлажак турнирларга тайёрлайди. У бунга қадар 2 йил давомида фаолият олиб борган Дилшод Нуралиевнинг ўрнига тайинланди. "Бунёдкор" академияси, "Олимпик" клуби ва Ўзбекистон ОТЖда мураббий бўлиб ишлаган Чигодаев ўсмирлар терма жамоасига масъул бўлади. Унга мураббийлар штабида "Бунёдкор" академиясида 2009 йилларни шуғуллантираётган Артур Кагиров, "Олимпик" клубидан Артём Давлетов яқиндан кўмаклашади. Дарвозабонлар билан Алфред Шарипов иш олиб боради.