Бу сафар ҳужумчи дисквалификациядан омон қолади.
"2026 йилги мавсум старти олдидан МЛС ва МЛС Ўйинчилари ассоциацияси жаҳон чемпионатидан чиқиб кетгандан сўнг дам олиш ва машғулотларга қайтиш жадвалини аниқлаш учун клублар томонидан футболчилар билан якка тартибда суҳбатлар ўтказишга келишиб олишган эди. Ушбу келишувга мувофиқ, Лионель Месси ва Родриго Де Пауль 2026 йилги МЛС Юлдузлар ўйинида иштирок этишдан озод қилинди", — дейилади ташкилот баёнотида.
Месси ва Де Пауль 2026 йил 19 июль куни Испания терма жамоасига қарши кечган жаҳон чемпионатининг финал ўйинида (0:1) иштирок этишган эди. Таъкидлаш жоизки, 2025 йилда аргентиналик футболчи Юлдузлар ўйинини ўтказиб юборган эди, бунинг сабабли МЛСда бир ўйинлик дисквалификация олганди.
Месси ва Де Паульдан ташқари, Мбекезели Мбокази ҳамда МЛСнинг жорий мавсумидаги тўпурарлар пойгаси етакчиси, "Монтеррей"га ўтиш учун лигани тарк этган бельгиялик Уго Кейперснинг ҳам Юлдузлар ўйинидаги иштироки бекор қилинди.
Уларнинг ўрнига МЛС терма жамоаси таркибига Янник Брайт ("Интер Майами"), Андрес Кубас ("Ванкувер"), Гильерме ("Хьюстон Динамо") ва Филип Цинкернагель ("Чикаго") киритилди.
