"Ушбу мусобақада финалгача жуда барқарор ҳаракат қилиб, якунда совринни пенальтилар сериясида бой бериш жуда оғир. Бу мураккаб вазият.
Нимани ҳис қиляпман? Оғриқ. Дунёдаги энг йирик клублар турнирида ғалабага шунчалик яқин бўлганингда ва ҳаммаси бир нечта пенальтига боғлиқ бўлиб қолганида, айнан шундай ҳиссиёт бўлиши керак. Биз бу оғриқни кучга айлантиришимиз лозим.
Мағлубиятдан кейин футболчиларимга нима дедим? Мен улар билан жуда фахрланаман. Улар бизга жуда кўп қувонч бағишлашмоқда. Бу футболчилар гуруҳига, бу жамоага устозлик қилиш мен учун катта шараф. Улар ушбу эмблемани қандай фахр билан тақиб юришларини, унга қанчалик борлиқларини бағишлашларини кўриб турибман. Биз кўп нарсага эришдик, лекин энг асосийсини қўлдан чиқардик", — деди Артета.
