"Ливерпуль" Ян Диоманде учун курашда "Реал"га ютқазиб қўйгач, Барколяни ушбу трансфер ойнасидаги биринчи рақамли нишонига айлантирган эди.
Дастлаб ПСЖ Барколя учун 145 млн фунт сўраган эди, "Ливерпуль" эса бунча маблағ тўлашга мутлақо тайёр эмас эди, бироқ яқинда икки клуб музокараларни қайта тиклади ва ҳозирда муросага келишди.
Барколянинг "Ливерпуль"га ўтиш истаги ва Брадлининг икки йилдан сўнг тугайдиган шартномасини узайтиришдан бош тортгани ПСЖни ён беришга мажбур қилди ва якунда Чемпионлар Лигаси ғолиблари 120 млн фунт миқдоридаги компенсацияга рози бўлишди.
Кўрсатилган сумма 120 млн фунтлик кафолатланган қисм ва 20 млн фунтлик бонуслардан иборат, деб аниқлик киритади "The Athletic".
Ўтган мавсумда ПСЖ сафида 49 та ўйинда 13 та гол урган ва еттита голли узатмани амалга оширган 23 ёшли Франциялик футболчининг трансфери "домино эффекти"ни келтириб чиқариши мумкин — масалан, бу "Ливерпуль"ни "Манчестер Сити" ва "Тоттенхэм" сотиб олмоқчи бўлаётган Коди Гакпони сотишга ундаши мумкин.
