Фернандеш Чемпионлар лигасида "Комо"га қарши 1:4 ҳисобидаги мағлубиятдан кейин жамоанинг тактикасини танқид қилган эди. Каррагернинг фикрича, португалиялик футболчининг бундай муносабати захирага олингани билан боғлиқ.
"У шундай муносабат билдирганига сабаб — захирага олингани. Мураббий уни ўйиндан олиб, ноқулай вазиятга солиб қўйди. Прессинг, шахсий ёки ҳудудий ҳимоя ҳақидаги гапларга келсак, Бруну Фернандеш ўзини кўрсатишга уриниб, йиллар давомида “Манчестер Юнайтед”нинг прессинг қилишига халақит бермоқда.
“Манчестер Юнайтед”нинг ўйинларини шарҳлайман ва уни майдонда худди мактаб ҳовлисида югуриб юрган боладек, мухлисларга ёқишга ҳаракат қилиб, у ёқдан бу ёққа чопаётганини кўраман. Ҳамма уни бор кучини сарфлаяпти, деб ўйлайди. Аслида эса бундай эмас. У шу ҳаракатлари билан бутун жамоага зарар етказмоқда", — деди Каррагер.
