Неймар собиқ жамоасига қайтаётганини эълон қилди

Бразилиялик футболчи ижтимоий тармоқларига видео жойлаб, хабарни маълум қилди.

"Эртанги кунни кутиш ҳам қийин бўлмоқда, қароримни оилам ва дўстларим яхши билишади. "Сантос" билан шартнома тузмоқчиман. Бу онларни кутган бутун дунёдаги мухлисларимни табриклайман. Бу клубни тарк этганимга 12 йил ўтди, лекин ҳеч қандай ҳиссиётлар ўзгармабди.

Ар-Риёдда унутилмас лаҳзаларни ўтказдим. Саудия Арабистони мени ақлбовар қилмас даражада қарши олди, у ерда бахтли эдим. Бироқ жуда жиддий жароҳатим бор эди ва майдондаги қарзларимни уза олмадим.

2034 йилги жаҳон чемпионатида Саудия Арабистони термасига мухлислик қиламан. "Сантос" эса менга мен истаётган муҳаббатни тақдим қила олади", - деди Неймар.