"Навбаҳор" бугун Тошкентда йиғинга киришади

"Лочинлар" бугун пойтахтимизда йиғилиб, уч ҳафталик йиғин ўтказади. Машғулотлар давомида асосий эътибор футболчиларнинг жисмоний ҳолатларини тиклашга қаратилади. 

Йиғин давомида ўртоқлик учрашувлари ўтказиш режалаштирилмаган. Бироқ машғулотларнинг сўнгги ҳафтасида ўйинчиларнинг жисмоний ҳолатларидан келиб чиққан ҳолда, спарринг рақиб танлаб, назорат-синов баҳси ўтказилиши ёки футболчилар иккига бўлинган ҳолда ўзаро ўйин ўтказишлари ҳам мумкин. 

Тошкентдаги машғулотлар якунлангач, ўқув-машғулот йиғинини БААда давом эттириш режалаштирилган", – дейилади клуб матбуот хизмати хабарида.

Аввалроқ "Навбаҳор"дан кетган футболчи "Қизилқум"га ўтиши мумкинлиги ҳақида хабар берилган эди.