Риисе Клопп ҳақида: "Уни терма жамоа мураббийи сифатида кўряпман"
24 дек 17:50
Янгиликлар
Риисе Клопп ҳақида: "Уни терма жамоа мураббийи сифатида кўряпман"
"Агар у чиндан ҳам қайтса, ўйлашимча, бирор терма жамоа мураббийига айланади. У клубда ишлайди деб ўйламайман. Менимча, у қачондир Англия терма жамоасини жони дили билан бошқарган бўларди. Мен уни миллий терма жамоа мураббийи сифатида кўряпман, чунки бу клубдаги иш каби зўриқишли эмас.
Юрген Клопп ҳаётни севади, у қилаётган ишини яхши кўради, у шуғулланаётган ҳар бир ишга иштиёқи бор. Энергияси ва кимлиги сабабли мен уни яна кўришни хоҳлардим. Аммо шу билан бирга, унинг қолдирган мероси ҳозир жуда улкан. У «Дортмунд» ва «Ливерпуль»да шу қадар яхши ишладики, бошқа клубда бундан ҳам яхшироқ бирор нарса қила олишини тасаввур қила олмайман. Балки, у эришганларидан шунчаки мамнундир ва энди бошқа ишлар билан шуғулланаётгандир. Назаримда, "Ливерпуль"даги иш унга қимматга тушди — у руҳан ва жисмонан чарчаганди, чунки бу ишга борини, бутун энергиясини берганди", — деди Риисе.
Англия терма жамоасини ҳозирда Томас Тухель бошқармоқда. Унинг шартномаси 2026 йилги жаҳон чемпионати якунига қадар мўлжалланган.
Аввалроқ Клопп Red Bull компаниясининг футбол йўналиши бўйича глобал раҳбари лавозимини эгаллаган ва компаниянинг барча клубларини назорат қилади. Германиялик мутахассис "Ливерпуль"ни 2023/24 йилги мавсум якунида тарк этганди.
Клопп "Боруссия"ни 2008 йилдан 2015 йилгача бошқариб, клуб билан икки марта Германия чемпионатида, икки марта Суперкубокда ва бир марта мамлакат Кубогида ғолиб чиққан, Чемпионлар Лигаси финалига қадар етиб борган. "Ливерпуль" билан у Англия чемпиони, Чемпионлар Лигаси, клублар ўртасидаги жаҳон чемпионати, УЕФА Суперкубоги, Англия Кубоги ғолиби бўлди, икки марта Англия Лига кубогини ва бир марта Англия Суперкубогини қўлга киритди.
Ўхшаш янгиликлар
championat.asia
Ла Лига. "Барселона" меҳмонда "Вильярреал" устидан ишончли ғалабага эришди, мезбонлар ўйинчиси 39-дақиқада майдондан четлатилди
"Реал" Абдуқодир Ҳусановни ўз сафига қўшиб олмоқчи
Breaking! Ўзбекистоннинг ЖЧдаги рақиби Португалия Эрон билан ўйнайди
Элит ОЧЛ. "Насаф" "Ал Иттиҳод"га кичик ҳисобда ютқазиб, плей-оффга чиқиш имкониятини йўқотди
Фикрлар