"Реал" президенти Флорентино Перес Винисиус Жуниорнинг клубдан кетишига йўл қўймаслик ниятида.
Бу ҳақда журналист Роберто Гомес "Radio Marca" эфирида маълум қилди. Унинг маълумотларига кўра, Перес вингернинг "Реал"ни тарк этишини хоҳламайди ва мадридликларнинг режаси бразилиялик футболчи билан келишувни иложи борича тезроқ узайтиришдан иборат.
Аввалроқ Винисиус "Сантьяго Бернабеу"даги мухлисларнинг ҳуштакбозлиги туфайли "Реал" билан 2027 йилда тугайдиган шартномани узайтириш борасида иккиланаётгани ҳақида хабарлар пайдо бўлган эди.
