МЮ афсонаси профессионал ММАда дебют қилади. У илк рақиби сифатида «Барселона» афсонасини кўрмоқда
26 апр 10:33
Янгиликлар

МЮ афсонаси профессионал ММАда дебют қилади. У илк рақиби сифатида «Барселона» афсонасини кўрмоқда

«Манчестер Юнайтед»нинг собиқ ҳимоячиси Патрис Эвра 23 май куни Парижда бўлиб ўтадиган PFL промошенида ММАда дебют жангини ўтказишни режалаштираётганини айтди.

Патриснинг рақиби номи ҳозирча эълон қилинмаган, аммо спортчининг ўзи уругвайлик машҳур футболчи Луис Суаресни октагоннинг қарама-қарши бурчагида кўришни хоҳлашини таъкидлаган.

«PFL'даги илк жангимга расман тайёргарлик кўряпман. Улар менга рақиб танлайдилар. Улар ким билан учрашмоқчи эканлигимни сўрашди, мен Луис Суарес билан жанг қилиш ниятида эканлигимни маълум қилдим. Бунинг учун ўзим пул беришга ҳам тайёрман», — деди Эвра.

Эвра ва Суарес ўртасидаги можарога бу йил 14 йил тўлди. Ўшанда «Манчестер Юнайтед» — «Ливерпул» учрашувидан сўнг Патрис уругвайлик уни «негр» деб атаганини маълум қилган. Ўшанда футбол ассоциацияси Суаресни 40 минг фунт стерлинг миқдорида жаримага тортган ва саккизта ўйинга дисквалификация қилган.