23 ёшли футболчи Рим клуби тарбияланувчиси ҳисобланади, бироқ 2023 йилдан буён ижара асосида Италиянинг бошқа жамоаларида тўп тепиб келаётганди.
Флориани “Болонья”га қарши баҳснинг (1:0) 19-дақиқасида захирадан майдонга тушди ва сариқ карточка олди.
Флориани — 1925–1945 йилларда фашистик Италия ҳукумати раҳбари бўлган Бенито Муссолинининг эвараси.
Эътиборли жиҳати шундаки, диктатор 1926 йилнинг октябрь ойида “Болонья” аренасини шахсан ўзи очган бўлиб, Муссолини режими ағдарилгунига қадар бугунги кунда “Ренато Даль-Ара” номи билан аталувчи ушбу стадионда дученинг от устидаги ҳайкали ўрнатилган эди.
