"Жуда афсусдаман. Мамлакатнинг умидлари катта эди. Ўзимизнинг ҳам умидларимиз катта бўлганди. Туркия футбол федерацияси учун ҳам афсусдаман. Футболчиларимиз қанчалик қаттиқ меҳнат қилганини биламан. Одатда бундай воқеалар 50 та ўйинда бир марта содир бўлади. Иккита ўйинда дарвозага 65 та зарба берилди. Ҳатто тўпга эгалик қилиш ҳақида гапиргим ҳам келмайди. Тақдир биз томонда эмасди. Мен ўйинчиларга: "Сизлар бор кучингизни бердингиз. Тақдирга тан бермасликнинг иложи йўқ", дедим. Мен: "У футболчи кўпроқ иш қилиши мумкин эди, бу футболчи яхшироқ ўйнаши мумкин эди", демайман. Мен доимо футболчининг амбициясига қарайман. Уларнинг барчаси ақлбовар қилмас даражада курашди. Амбициялар жуда юқори эди. Барча қаттиқ меҳнат қилди, тиришиб жанг қилди, лекин афсуски, ўхшамади. Катта турнирларда ўйнаш одатини шакллантириш керак. Биз Жаҳон чемпионатига мунтазам келишимиз керак. Мунтазам иштирок этмаганимиз учун, футболчиларнинг онг остида, балки, нимадир муҳрланиб қолгандир. Терма жамоа бу одатни ўзлаштириши шарт. Кимдирни ажратиб кўрсатиш ва танқид қилиш осон. Кимнидир айблашга ҳожат йўқ. Чунки биз қўлимиздан келганини қилдик. Мен ҳам жуда хафаман", – деди Винченцо Монтелла.
