"Биз бугун Аргентинадан яхшироқ ўйнадик, аммо футбол адолатсиз. ФИФА 'фэйр-плей'ни тарғиб қилса ҳам, содир бўлган воқеалар адолатдан эмасди. Ҳакам кўринарли сабабсиз голни ҳисобга олмади. Ҳисоб 3:1 бўлиши мумкин эди, бироқ Аргентина кейинчалик ҳисобни тенглаштирди. Бу ерда тижорий манфаатлар таъсир қилиши мумкин: 'биз Мессининг чиқиб кетишини истамаймиз, биз жаҳон чемпионининг турнирда қолишини хоҳлаймиз'.
Мен футболчиларга раҳмат айтаман, улар талаб қилинган ишни бажаришди, лекин кўпинча биз керакли ишни қилсак ҳам, тақдиримизни бошқа омиллар ҳал қилади. Кечирасиз, мухлисларга имкон қадар узоқроққа бориб, кўпроқ қувонч бағишлашни истардим, лекин барча футболчиларимдан фахрланаман: биз аъло даражани кўрсатдик ва Миср, араб ҳамда Африка футболини биз билан фахрланишга мажбур қилдик. Мен мағлуб бўлишни ёмон кўраман, аммо бу мағлубият адолатсиз. Футболда техник жиҳатларни йўққа чиқарадиган ташқи омиллар бор.
Бизга қарши жаҳон чемпионлари ўйнади, улар шубҳасиз маркетинг қўллаб-қувватловидан фойда кўришди, лекин бизнинг ўз услубимиз бор. Мен футболчилардан ва улар кўрсатган ўйиндан мамнунман, бироқ натижага ташқи омиллар таъсир қилди. Ҳа, хатоларга йўл қўйдик, лекин энг муҳими – биз бу ўйинда муносиб бўлган натижани олмадик.
Менинг амбицияларим шу ерда тугамайди. Бугун рақибларимиз учун ўйин ўта қийин кечди ва мен натижага бошқа омиллар таъсир қилганини таъкидлайман. Айниқса, бизнинг терма жамоамиз асосан миллий лига футболчиларидан иборат эканини ҳисобга олсак, уларнинг саъй-ҳаракатларидан жуда мамнунман. Биз адолат қарор топишига умид қиламиз. Бельгияга қарши биринчи ўйинда ҳам бизга нисбатан адолатсиз қарорлар қабул қилинганди, бугун эса яна фатал хатолар қурбони бўлдик. Мухлисларимизга айтаман: фахрланинг, сизнинг ҳеч бир рақибдан қўрқмайдиган жамоангиз бор", – деди Ҳассан beIN Sports эфирида.
