"Машъал"ни охиригача курашаётгани билан табриклайман. Улар майдонда қўрқмай ҳаракат қилишмоқда. Ўйин осон кечмади. Тўлиқ 90 дақиқа "ёпиқ" футбол ўйнаб бўлмаслигини билардик. Барибир зоналар очилиб қоларди. Тўхтовсиз босим қилишимиз керак муҳим эди", - дея гап бошлади Мирко Йеличич.
- Жамоа тўртинчи ўринга кўтарилиб олди. Бу сиз учун нимани англатади?
- Тўққизта ўйин қолди. Биз мусобақа жадвалига қарамаяпмиз. Ўйинимизни яхшилашни мақсад қилганмиз. Биринчи навбатда жамоа ўйини ва уни яхшилаш. Шунда кўнглим тўлади.
- Демак, бугунги ўйиндан қониқдингиз?
- Менга нечанчи ўринни эгаллашимиз муҳим эмас, очиғи. Муҳими, ушбу мавсумдан кўпроқ футболчиларни тарбиялаш. Фақат эгаллайдиган ўрнимиз энг муҳими эмас.
- Жаъфар Баҳодировни майдонга туширишингизга сабаб ҳисоб бўлдими ёки ўйиндан олдин ҳам шуни режа қилганмидингиз?
- Жамоага кўпроқ куч керак эди. Темурхўжа ва Сардор чарчаб қолишди. Абдухолиқов тўпсиз ҳам кўп ҳаракат қилмоқда. Жаъфар эса кучга тўла бўлиб майдонга тушди.
- Тўрт кундан сўнг Кубокда "Бунёдкор" билан ўйнаймиз, кейин эса беш кун ўтар-ўтмас "Нефтчи" билан. Тикланишга вақт етяптими?
- Йўқ. Шунчаки қандай тикланиш тизими ўзгаради. Биз ҳозир эътиборни ўйиндаги жараёнларга қаратдик. Шунинг учун, ҳозир қандай йўл тутишни биламиз. "Бунёдкор"га қарши "Машъал" билан қилган ўйинимизни қилмаймиз.
- Йеличич жамоалари жуда барқарор ўйин намойиш этади ва секинлик билан ўйинни яхшилаб боради. Қайси машҳур мураббийларни кузатасиз ва улардан нималарни ўрганасиз?
- Менинг севимли жамоам "Ливерпуль". Клопп давридаги футбол ёқарди. Жуда интенсив эди. Ўйинни назорат қилиш бўйича эса "Барселона", ўз вақтида Бьелса ҳам "Лидс"да яхши ишлаганди. Ҳозир "Комо"ни мисол сифатида келтира оламан. Фабрегас кўп нарсани ўзгартирди. Мен учун муҳими позицион ўйин.
