Учрашувдаги барча учта голга афсонавий аргентиналик ҳужумчи Лионель Месси муаллифлик қилди.
MisterChip нашрининг хабар беришича, Месси 38 ёшу 357 кунлигида ушбу муваффақиятга эришиб, жаҳон чемпионатлари тарихида хет-трик қайд этган энг ёши катта футболчига айланди ва янги рекорд ўрнатди. Бунгача мазкур рекорд португалиялик Криштиану Роналдуга тегишли эди. Роналду ЖЧ-2018 доирасида Испанияга қарши кечган баҳсда (3:3) 33 ёшу 130 кунлигида хет-трик расмийлаштирган эди.
Аввалроқ, Месси жаҳон чемпионатларида урилган голлар сони бўйича Германия терма жамоаси собиқ ҳужумчиси Мирослав Клозега етиб олгани ҳақида хабар берилган эди. Икки футболчи ҳисобида ҳам 16 тадан гол мавжуд бўлиб, бу турнир тарихидаги энг яхши кўрсаткичдир.
