Карточкани бекор қилиш қарори ФИФА интизом қўмитаси томонидан қабул қилинган эди. ОАВда Трамп Балогуннинг четлатилишини қайта кўриб чиқиш мақсадида ФИФА раҳбари Жанни Инфантинога шахсан қўнғироқ қилгани ҳақида хабарлар тарқалганди.
"Жаҳон чемпионатидаги энг унутилмас лаҳзами? Эҳтимол, энг унутилмаси Балогунга қизил карточка берилган вазият бўлди. Мен Жанни Инфантинога қўнғироқ қилишга ва шунчаки маслаҳат беришга мажбур бўлдим. Мен унга: "Қани, уни майдонга қайтар!" деб айтганим йўқ. Шунчаки эътирозимни билдирдим ва кейин нима бўлишини билмасдим. Аммо ҳаммаси ижобий ҳал бўлди, чунки ҳеч қандай келишмовчиликлар келиб чиқмади. Инфантинога юзланиб cен яна бир бор ажойиб қарор қабул қилдинг, гарчи бунинг учун сени ҳеч ким ҳеч қачон мақтамаса ҳам", — деди Трамп "Fox News" эфирида.
