АҚШ терма жамоаси ҳужумчиси ЖЧ-2026 1/16 финалида Босния ва Герцеговинага қарши кечган баҳсда (2:0) Тарик Мухаремовичнинг оёқ тўпига босиб олгани учун ВАР текширувидан сўнг қизил карточка олганди. Кейинчалик Балогуннинг бир ўйинлик дисквалификацияси бир йиллик синов муддати билан тўхтатиб турилди – энди ҳужумчи 1/8 финалда Бельгияга қарши майдонга тушиши мумкин.
Аввалроқ сиёсатчи Балогуннинг четлатилиши юзасидан ФИФА раҳбари Жанни Инфантинога қўнғироқ қилганини ва ўзининг "спорт борасида яхши тушунчага эга эканлигини" тасдиқлаганди.
"Биринчидан: бу фол эмасди. Одамлар энг яхши ўйинчилар иштирок этадиган ўйинларни томоша қилишни хоҳлайди.
Агар Мессини ўйиндан чиқариб юборсак, ўзингизни қандай ҳис қилардингиз? У ким биландир тўқнашиб кетди-ку. Ёки Роналдуни чиқариб юборамиз. Роналду кимнидир туртиб юборди – уни ўйиндан чиқариб ташлаймиз! Ёки Харри Кейнни. Харри Кейн, биз сени ўйиндан чиқариб юборамиз, Харри, чунки сен кимнидир оёғига бироз кучлироқ зарба бердинг. Бундай қилиш мумкин эмас.
Бизда энг яхши ўйинчилар бўлиши керак. Дарвоқе, Бельгияда ажойиб жамоа бор. Бизда энг яхшиларимиз, уларда эса ўз энг яхшилари бўлади. Ютамизми ёки ютқазамизми, бу адолатли бўлади. Тасаввур қилинг, биз уни (Балогунни) йўқотдик ва ўйинни бой бердик. Бу даҳшатли бўларди", – деди Трамп.
