Килиан Мбаппенинг жароҳатдан тикланиши борасида янги тафсилотлар пайдо бўлди.
Аввалроқ, "Реал" ҳужумчиси дам олиш кунлари физиотерапевтлар ва реабилитация бўйича мутахассислар билан фаол иш олиб боргани хабар қилинганди. Таъкидланишича, франциялик футболчининг режаси шу якшанба куни "Эл Классико"да ўйнашдан иборат. Мбаппенинг Ла Лиганинг 35-тур учрашувидаги иштироки бўйича якуний қарор чоршанба куни ўтказиладиган МРТдан сўнг қабул қилинади.
COPE мухбири Мелчор Руизнинг маълумотларига кўра, Мбаппенинг тиббий кўриги чап оёғининг сон мушаклари ҳолатини текшириш учун эртанги кунга қолдирилган.
Бугун Килиан тренажёр зали ва бассейнда шуғулланди. Эртага у умумий гуруҳ машғулотларининг бир қисмида иштирок этиши кутилмоқда.
Айни дамда футболчининг "Камп Ноу"да "Барселона"га қарши ўйинда майдонга туша олишига ишонч билдирилмоқда.
