— "Манчестер Сити" клуби бугун эълон қилинган Премьер-лига комиссиясининг хулосасидан ҳам ҳафсаласи пир бўлганини, ҳам ҳайратда эканини билдиради.
Клуб Премьер-лига томонидан қўйилган айбловларда айбсиз ва ушбу ишга оид барча позицияларини қўллаб-қувватловчи инкор этиб бўлмайдиган далиллар тўпламига эга. Шу сабабли клуб барча тегишли тартибга солувчи ва ҳуқуқий инстанцияларда қатъий ҳамда зарур бўлганда ташаббускорлик билан ҳаракат қилади.
Премьер-лига жараёни давом этмоқда ва унинг муҳим босқичлари ҳали якунланмаган.
"Манчестер Сити" ушбу хулосада қонун, принцип ва фактлар бўйича аниқ жиддий хатоликлар мавжудлиги ҳамда у асоссиз ва ишончсиз экани сабабли ўзи учун очиқ бўлган апелляция имкониятларидан фойдаланади.
Клуб Премьер-лига раҳбарияти ва ижроия органи ҳар қандай тарафкашлик таъсиридан холи, мустақил, холис ва адолатли тартибга солувчи сифатида ҳаракат қилади деган ишонч билан саккиз йил давомида белгиланган тартиб-қоидаларга қатъий риоя қилди.
Клуб келгусидаги барча жараёнлар тўлиқ якунлангунга қадар қўшимча изоҳ бериш имконияти чекланганини маълум қилади.
