Дастлаб кечикиш стандарт бюрократик процедуралар туфайли деб тахмин қилинганди, аммо вазият кутилмаганда ўзгариб кетди.
"Morocco World News" нашрининг хабар беришича, АҚШ расмийлари футболчи отасининг соқоли туфайли рад жавобини берган бўлиши мумкин. Бу воқеа Марокаш делегациясида жиддий хавотирларни уйғотди, чунки футболчининг турнирдан четлатилиши спортга алоқадор бўлмаган сабабларга кўра эканлиги аниқланди.
Виза билан боғлиқ можарога қарамай, Марокаш қироллиги футбол федерацияси бу масалани тезда ҳал қила олди ва ҳимоячи аллақачон миллий терма жамоанинг океан ортидаги йиғинига етиб келди. Ал Уаҳди ЖЧ-2026 гуруҳ босқичининг бошланишига тайёргарлик кўрмоқда, унда Марокаш ўзининг биринчи ўйинини 14 июнь куни Нью-Жерси штатидаги стадионда Бразилияга қарши ўтказади.
