32 ёшли бразилиялик футболчи ПСЖ билан биргаликда Лига 1 (11), Франция Кубоги (8), Лига Кубоги (6), Франция Суперкубоги (10), Чемпионлар Лигаси (2), УЕФА Суперкубоги (2) ва Қитъалараро Кубогида (1) ғалаба қозонган. У клуб тарихидаги энг совриндор футболчи ҳисобланади.
Маркиньос учун бу соврин фаолиятидаги жами 41-титул бўлди. Шу тариқа, бразилиялик футболчи совринлар сони бўйича Дани Алвесга (41) тенглашиб олди ва энди футбол тарихида фақат Лионель Мессидан (45) ортда қолмоқда.
