Бу ҳақда “Sky Sports” хабар берди.
"УЕФАнинг хатти-ҳаракатлари ғаразли мақсадда ва таъқиб қилиш ниятида ташкиллаштирилган. УЕФА ҳеч қандай асоссиз жаноб Инфантино Жаҳон чемпионати билан боғлиқ таклифдан шахсан манфаат кўришни кўзлаган, деб тахмин қилмоқда. Ушбу баёнотлар ФИФА сайлови арафасида янграмоқда ва жаноб Инфантино ҳақида ёлғон ахборот тарқатилмоқда. Суд ушбу асослар орқали ФИФА президенти сайловига таъсир ўтказишга бўлган ҳар қандай уринишни рад этиши лозим", – дейилади баёнотда.
Аввалроқ УЕФА мундиални ўтказиш бўйича ҳуқуқларнинг бир қисмини хусусий инвесторларга сотишни назарда тутувчи лойиҳа бўйича ҳужжатларни сўраб олганди. Шунингдек, ташкилот Инфантинога нисбатан ваколатларини суиистеъмол қилиш айблови билан иш очилиши мумкинлигини истисно этмаганди.
Июль ойида Инфантино ФИФАнинг асосий эркаклар ва аёллар ўртасидаги мусобақаларини бошқариш учун FIFA Forward Enterprise компаниясини тузишни таклиф қилгани хабар қилинганди. Ташкилот ҳисоб-китобларига кўра, лойиҳа 4,2 миллиард доллар жалб қилиши мумкин эди. Футбол функционерлари ва федерациялари томонидан билдирилган танқидлардан сўнг Инфантино бу ғоядан воз кечган.
Инфантино 56 ёшда. У 2016 йилдан буён ФИФАга раҳбарлик қилиб келмоқда. Ташкилот президенти учун навбатдаги сайлов 2027 йилнинг март ойида бўлиб ўтади.
Аввалроқ Инфантино ФИФА захираларидан федерация аъзоларига кўпроқ маблағ ажратишга тайёрлигини маълум қилган эди.
