Жамоага ёрдам бериш йўлида қилган меҳнатимдан фахрланаман; бу менинг орзум эди. Хурсандман ва бахтиёрман. Биз яхши ўйин ўтказдик, босқичма-босқич кучайиб бордик. Иккинчи бўлимда темпни бироз туширдик, аммо бу нормал ҳолат. Бундан буён ўсишда давом этамиз, хатоларимизни тўғрилаймиз ва албатта тикланиб оламиз.
Мураббий билан гаплашганимда, у мендан ҳимояга ҳам ёрдам беришимни сўраганди. Бунинг ҳеч қандай муаммоси йўқлигини айтдим. Биз бир жамоамиз ва барчамиз бирдек меҳнат қилсак, якка тартибдаги ҳаракатларимиздан-да яхшироқ чиқади. Хаминтон ва Кучо ажойиб голлар уришди ва бу бизнинг қандай оила эканлигимизни кўрсатади. Майдонга Хамес билан чиқаётганимда, у менга: "Бундан завқ ол", – деди. Унинг кўзига ёш келганди. Бу болаликдаги орзуни бошдан кечириш эди ва бунинг рўёбга чиққани улкан бахтдир. Колумбиялик эканим ва ўз Ватаним учун курашаётганимдан фахрланаман", деди 29 ёшли футболчи.
Эслатиб ўтамиз, "Бавария" вингери Ўзбекистонга қарши ўйин битта гол ва голли узатмани ўз ҳисобига ёздириб қўйди.
