Аввалроқ Тебас "Реал Мадрид" телевидениеси ва клубнинг коммуникация стратегиясини фашистлар Германиясининг ташвиқот усулларига (Гёббельснинг пропаганда механизмига) қиёслаган эди.
Испания Спорт олий кенгаши (CSD) Тебасни эгаллаб турган лавозимидан четлатиш имкониятини кўриб чиқмоқда. CSD раҳбарияти ушбу баёнотдан сўнг Тебасга нисбатан расмий суриштирув ишини бошлаш ёки бошламаслик масаласини ҳал қилмоқда ва депорти бошқаруви ишни ҳуқуқий бўлимга топширган. Жараён кейинги босқичга ўтиши учун Ички спорт трибуналига (TAD) расмий шикоят аризаси киритилиши талаб этилади. Айнан TAD Хавьер Тебаснинг Ла Лига раҳбарлигидаги келажаги бўйича якуний қарорни қабул қилади.
Эслатиб ўтамиз, "Қироллик клуби" аввалроқ расмий баёнот бериб, Ла Лига президенти томонидан бундай қиёслашлар мутлақо қабул қилиниб бўлмаслигини таъкидлаган ва Тебаснинг истеъфосини талаб қилган эди. Тебас эса Ла Лиганинг 9-туридан ўрин олган "Севилья"га қарши ўйинда (4:1) "Сантьяго Бернабеу" трибуналарида мухлислар томонидан унинг фамилияси ёзилган баннер осилгач, "Реал Мадрид"ни жамоатчилик фикрини манипуляция қилишда айблаган эди.
