"Ўтган йили август охирларида биз Ўзбекистонга қилган ташрифимиз давомида Ўзбекистон футбол ассоциацияси томонидан Фабио Каннаварога таклиф тушди ва бир нечта ҳафталар ичида у Ўзбекистон терма жамоасини бош мураббийи бўлишга рози бўлди.
Албатта, биз уни сардоримиз сифатида яхши биламиз, 2006 йилги Жаҳон чемпионатини Италия қўлга киритганида Италия терма жамоасини сардори эди. Инсон сифатида жуда ҳам харизматик ва ишига ўта жиддий ёндашади.
Ўзбекистон Жаҳон чемпионатида унчалик ҳам осон бўлмаган гуруҳдан жой олди. Албатта, футболда натижа муҳим. Натижа нуқтаи назаридан таҳлил қилинса, яхши натижа кўрсатилмадию, лекин мен бир нарсани айта оламан: январь ойида бўладиган Осиё Кубогида жамоангиз рақобатбардош ва ҳар қандай ўша Осиёнинг жамоаси билан беллаша оладиган кучга эга бўлиб, биз Фабио билан мулоқотда бўлиб турибмиз.
Албатта, у терма жамоани кучли таркиб билан олиб бориб, натижа қилади ва бу йўлида унга омад тилаймиз. Яна бир нарсани таъкидламоқчиман, бу йилги мундиалда Италия қатнаша олмади ва ишонинг, бутун Италия футбол аҳли, италиялик мухлислар сизнинг терма жамоангизга мухлислик қилишди. Мен буни айта оламан. Шунинг учун унинг натижалари келажакда албатта яхши бўлади, бунга ишонаман", – деди 44 ёшли мутахассис.
