Unga ko'ra, jamoa ikkita o'quv-mashg'ulot yig'ini o'tkazadi va to'rtta o'rtoqlik uchrashuvida maydonga tushadi.
“Yashillar” tayyorgarlikning birinchi bosqichini 2026 yilning 9-17 noyabr kunlari Qatarda bo'lib o'tadigan o'quv-mashg'ulot yig'ini bilan boshlaydi. Mazkur yig'in doirasida ikkita o'rtoqlik bahsi tashkil etiladi: dastlab 13 noyabr, juma kuni Koreyaga qarshi, so'ngra 17 noyabr, seshanba kuni O'zbekiston milliy terma jamoasiga qarshi maydonga tushiladi.
Ikkinchi bosqich esa 2026 yil 21 dekabrdan 2027 yil 3 yanvarga qadar Al Hubar shahrida o'tkaziladigan yig'inni ichiga oladi. Bu vaqt oralig'ida Saudiya Arabistoni termasi yana ikkita nazorat uchrashuvi o'tkazadi.
Saudiya arabistoniliklar 27 dekabr, yakshanba kuni Qatar bilan kuch sinashadi, so'ngra tayyorgarlik jarayonini 2027 yil 2 yanvar, shanba kuni Iordaniya terma jamoasiga qarshi yopiq eshiklar ortida bo'lib o'tadigan o'yin bilan yakunlaydi.
